Internet tresna zoragarria da, horren zalantzarik ez dugu, interneta edukiko ez bagenu, mezu hau bidaltzeko aukera ez genuke izango. Baina guztiok dakigu mundu honetan aritzeak hainbat arrisku suposatzen dituela, hementxe uzten dizuegu gomendio batzuk saretik seguruago aritzeko 😉 :
Infografia: Esperanza Samaniego García-k genero indarkeria nerabezaroan 4. DBH-ko ikasleei egindako ikerketaren inguruan.
Erreferentzia: Samaniego, Esperanza (2010): Estudio sobre la identificación y vivencia de violencia en parejas adolescentes. Apuntes de Psicologia, Vol. 28, numero 3, pags. 349-366
Gaur egun, internet mendebaldeko herrialdeetan gehien erabiltzen den baliabideen artean kokatzen da. Komunikazio, informazio zabalpen eta trukaketarako oso baliagarria izateak, merkatuetan eta ondorioz pertsonon etxe eta poltsikoetara salto egitea eragin du eta handik, azkar batean adikzio bat bihurtzera pasa da. Nerabeok gure egunerokotasunean gailu teknologikoek eskainitako abantailetaz baliatu eta horiek askotan modu neurgabean erabiltzen ditugula aitortu beharra dugu, gehiegizko erabilera horrek edo erabilera okerrak eragin dezakeen kalteen inguruan kontzientziatzeko.
Arrisku eta kalte horien artean ciberbullying-a deritzoguna aurkitzen da, hau da, interneta erabiliz pertsona batek edo gehiagok beste pertsona batzuen partetik mota ezberdinetako (psikologikoa, sexuala, etab) jazarpena sufritzea. Izan ere, espainiako 12 eta 18 urte bitarteko nerabeen %11’6ak sareen bidez tratu txar psikologikoak jasan ditu eta %8’1ak mugikorraren bidez (Pfizer Fundazioa, 2010) . Horretaz gain, esan beharra dago akosatzaile gehienak generomaskulinokoak direla eta jazarpena sufritzen dutenak generofemeninokoak (Garaigordobil, 2011).
Ez da oharkabean pasa behar zaigun gaitz sozial bat, pertsonengan eragin bortitza duen errealitatea da, depresioak eta bestelako osasun-arazoak eragiten dituena eta zenbait kasutan bizirik egoteak jazarpena sufritzen ari den pertsonarentzat infernuan egoteak suposatzen du. Isolamenduak, beldurrak eta minak behin baino gehiagotan irtenbide bakarra haien buruaz beste egitea dela pentsatzera, kasu batzuetan saiatzera eta beste kasu batzuetan lortzera eraman ditu hainbat pertsona, horietako asko aurretik ilusioz beteriko etorkizuna zuten gazteak. Ez da joko bat, ez onartu horrelako jarrerarik. Horrelako kasuren bat ezagutzekotan, salatu eta erasotzaileei bizkarra eman eta jazarpena sufritzen ari den pertsonari laguntza eskaini, momentu horietan edonoren laguntza eta babesa berebizikoa izango zaiolako.
Erreferentziak:
Pfizer Fundazioa (2010): “Juventud y Violencia”. Apirilaren 24ean kontsultatua
Garaigordobil, Maite (2011): Prevalencia y consecuencias del ciberbullying: una revisión. International Journal of Psychology and Psychological Therapy , 11,2, 233-254 orr.
Gaurkoan, eduki anitzeko blog honi kolore morea ematen jarraitzeko aurretik ez ukitutako esparru batera salto egingo dugu eta kirol munduan murgilduko gara. Kirolak, batez ere futbolak, diru kopuru erraldoia mugitzen du egunero. Pertsonen aisialdiko denbora-pasa izatetik, krisi ekonomiko, sozial eta politikoak gogor astintzen duen garaietan jendarte oso baten opioa izatera pasa da.
Euskal Herrian, pertsona askok Estatuko eta munduko hainbat herrialderekiko ezberdintasun positibo asko ditugula harrotasunez defendatzen duten arren, futbolari dagokionez aurretik aipatu ditugun gauza berdinak gertatzen direla ukaezina da. Baina gure gune geografikoan biltzen dituen kultur ezaugarriei erreparatuz, esango genuke kirolari dagokionez esku-pilotak leku handi bat okupatzen duela. Telebista kateek pilota txapelketen jarraipena egin ohi dute, ia herri guztietako frontoi gehienetan esku-pilota eskolak daude eta umeek zein nagusiek pilotariak miresten dituzte askok modako futbol izarrak miresten dituzten bezala.
Baina ba al dago ospe, diru eta arrakasta mundu horretan emakumerik? Eta baldin badaude zergatik ez dute ikusgarritasunik? Gizarteko esparru guztien inguruan egin genitzakeen galdera hauek, izan ere emakumeak modu intentzionalean goreneko posizioetara iristeko jartzen zaizkien oztopo eta zailtasun guztiak ikusita, diruarekin zerikusi duen arlo guztietan, kirolean eta zehazki esku-pilotan, errealitate hori erreproduzitu egingo da. Honek, patriarkatuaren oinarrian kokatzen den generoen araberako banaketa rol esleipen ezberdinaren logikari jarraitzen dio, hau da, gizonak emakumeen gainetik kokatzea. Hortaz, bigarren galderari erantzuna eman berri diogun moduan, lehenengo galderak planteatutako argitzera pasako gara.
Bai, emakume pilotariak daude, ezagutzen ditugun Irujo edo Olaizola bezain onak eta indartsuak baina zoritxarrez, inolaz ere hain famatuak. Horietako batzuk dira Maite Ruiz de Larramendi, Jone Goiri, Amaiur Holgado, Jone Aranguren edo Ane Baraizarra. Txikitatik herrietako frontoietan lagun eta senideekin jolasten eta zenbait senide edo ingurukoek neska horiei komeni zitzaiena hain zuzen ere esku-pilotara jokatzeari uztea pentsatzen bazuten ere, adorez beterik haien ametsa jarraitu edo pilotari arrakastatsuak izatera heldu dira, munduko txapelketak jokatu eta zilarrezko domina irabazteraino, Maite Ruiz de Larramendiren kasuan bezala. Horretaz aparte, aipatzekoa da emakume honek 14 urte zituela txapelketa batean Rubén Beloki pilotariari irabazi ziola.
Honegatik guztiagatik, post honek emakumeek kirol munduan duten errekonozimenduaren inguruan hausnartzeko abagunea sortu nahi du. Zergatik gizon pilotari gehienek kirolean arrakasta izanik irabazten duten dirutza eta ospeak bizitza eroso bat eramatea posible egiten dien eta emakumeen kasuan, goi-mailara iritsi arren, beste lanbide batzuk bilatu behar dituzten, batzuentzat ogibidea dena besteentzat aisialdiko denbora-pasa bihurtuz.
Barbara Kruger Estatu Batuetan jaiotako artista kontzeptuala da. Oso deigarriak izan dira bere obra artistikoak, aldizkarietatik ateratako irudiekin eta mezu zirikatzaileekin batera egindakoak.
Feminismoaren defentsa, politikarien hipokresia, gizarte kontsumistaren eta feminitatearen salaketa maiz agertzen dira bere obretan. Koloreen erabilera oso esanguratsua da bere lanetan, argazkiak zuri-beltzak izaten ohi dira, letrak eta bestelako maketazioa gorria, zuria edo beltza izaten ohi da.
Berak egiten duen irudien erabilera ez da bakarrik bere objektu artistikoa, baita mass medietan agertzen diren argazki moten salaketa ere, horregatik sarritan estereotipo matxistak edo erritual kosmetiko bortitzak aurkezten dituzten argazkiak erabiltzen ditu.
Emakume artistek erronka erraldoia bere gain, artea mundu androzentrikoa baita. Nola da posible hori, hainbeste emakumek parte-hartzen badute? Ba egia esanda, emakumeak artean objektu bezala aurkeztu digute gizon artistek. Emakume artistek rol tradizional hau apurtzen dute, objektu izatetik subjektu izatera salto eginez.
MUGAK GAINDITUZ, HEZKIDETZAREN BIDEAN! 
